රාජ්‍ය අනුග්‍රහයෙන් ජාත්‍යන්තර මුස්‌ලිම් ආගමික සමුළුවක්‌ ශ්‍රී ලංකාවේදී

රාජ්‍ය අනුග්‍රහයෙන් ජාත්‍යන්තර මුස්‌ලිම් ආගමික සමුළුවක්‌ ශ්‍රී ලංකාවේදී

SHARE

ceylon_leader_news1213

ආගමික සහජීවනය වර්ධනය කිරීමේ අරමුණින් ජාත්‍යන්තර මට්‌ටමේ මුස්‌ලිම් ආගමික සමුළුවක්‌ ශ්‍රී ලංකාවේදී පැවැත්වීමට රජය තීරණය කර ඇතැයි තැපැල් හා මුස්‌ලිම් ආගමික කටයුතු ඇමැති එම්. එච්. අබ්දුල් හලීම් මහතා දිවයින පුවත්පතට පවසා තිබෙනවා.

මෙම ජාත්‍යන්තර සමුළුව සංවිධානය කරනු ලබන්නේ අග්‍රාමාත්‍ය කාර්යාලය විදේශ කටයුතු අමාත්‍යාංශය සහ තැපැල් හා මුස්‌ලිම් ආගමික කටයුතු අමාත්‍යාංශය විසිනි.

වැඩිදුරටත් කරුණු දැක්‌වූ ඇමැතිවරයා කියා සිටියේ 2016 වසරේ නොවැම්බර් මස 17 දින සිට 19 වැනි දින දක්‌වා මෙම සමුළුව කොළඹදී පැවැත් වෙනවා.

මෙම සමුළුව සඳහා ඉන්දියාව, පකිස්‌ථානය, බංග්ලාදේශය, ඇෆ්ගනිස්‌ථානය, මාලදිවයින, ඉන්දුනීසියාව, මැලේසියාව, සිංගප්පුරුව, තායිලන්තය, පිලිපීනය, බෲනායි, වියට්‌නාමය, චීනය, ජපානය, දකුණු කොරියාව, මියන්මාරය ඇතුළු රටවල් ගණනාවක ආගමික නියෝජිතයන් සහභාගි වීමට නියමිතයි.